31 iyul – 1 avqust 2010-cu il tarixdə Polşada yunan-Roma güləşi üzrə böyüklər arasında 53-cü “Pitlasinki” beynəlxalq turniri keçiriləcək. Turnirdə yunan-Roma güləşi üzrə yığma komandamız da iştirak edəcək.

Məşqçilər Nurəddin Rəcəbov və Vüqar Aslanovun başçılığı altında ölkəmizi Orxan Əhmədov, Elçin Əliyev (hər ikisi 55 kq), Elvin Mürsəliyev (74 kq), Elməddin Abdullayev (84 kq) və Səbuhi Hümbətov (96 kq) təmsil edəcək.
Turnirin ilk günü 55, 66, 84, 120 kq, ikinci günündə isə 60, 74, 96 kq çəki dərəcələrində pəhləvanlar mübarizəyə qoşulacaq.

Beynəlxalq dərəcəli hakim Vaqif Zeynallı isə hakimlər briqadasında yer alacaq.
Yunan-Roma güləşi üzrə yığma komandanın digər üzvləri isə, baş məşqçi Fərid Mansurovun rəhbərliyi altında qarşıdan gələn dünya çempionatına hazırlıq məqsədilə Qusar Olimpiya İdman Kompleksində təlim-məşq toplanışındadır.
31 iyul – 1 avqust 2010-cu il tarixdə İranın Qaimşəhr şəhərində sərbəst güləş üzrə böyüklər arasında “İmaməli Həbibi və Abdullah Mövahid Kuboku” beynəlxalq turniri keçiriləcək. Böyüklərdən ibarət sərbəst güləş üzrə yığma komandamız bu turnirdə iştirak etmək üçün İrana yola düşüb.

Məşqçi Namiq Quliyevin başçılığı altında heyətdə Elçin Həsənov (55 kq), Cəlal Süleymanov (60 kq), Rəsul Hafizov (66 kq), Aqil Quliyev (74 kq) və Cavid Məmmədov (96 kq) yer alıb.

Turnirin ilk günü 55, 66 və 96 kq, ikinci günündə 60, 74, 84 və 120 kq güləşçilər qurşaq tutacaq.

Turnirdə görüşlərin idarə edilməsində beynəlxalq dərəcəli hakim Vasif Əliyev də iştirak edəcək.

Sərbəst güləş üzrə yığma komandanın digər üzvləri isə, qarşıdan gələn dünya çempionatına hazırlıq məqsədilə təlim-məşq toplanışlarını davam etdirirlər.

Öncəki

Sonraki

AZƏRFOTO

Ana səhifəyə dön