Abşeron rayonu, Saray qəsəbəsi ərazisində yerləşən “Azəri-Şah” Məhdud Məsuliyyətli Cəmiyyətində aparılan araşdırma zamanı Masazır qəsəbəsi ərazisində mövcud olan Duz gölündən tədarük edilmiş 2 ton duz aşkar edilmişdir.

Müəyyən olunmuşdur ki, yodlaşdırılmış duz istehsalı üçün lazimi şərait olmadığı halda tədarük edilən duz sexdə emal olunaraq qablaşdırılır.

Qeyd edək ki, mövcud standartın tələbinə uyğun olaraq yodlaşdırılmış duz istehsalı zamanı duzun nəmliyi, suda həll olmayan qalığın kütlə payı və yodun miqdarı istehsalçı tərəfindən hər 7 saatdan bir təyin olunmalıdır. Eyni zamanda kalsium (Ca), maqnezium (Mg), sulfat ionlarının dəmir-oksidin (FeO) və natrium-xloridin (NaCl) kütlə payı vaxtaşırı, 7 gündə bir dəfədən az olmayaraq təyin edilməlidir. Lakin müəssisədə bütün bunların təyin edilməsi üçün labaratoriya mövcud olmamış və sadalananlara əməl olunmadan məhsulun qablaşdırılaraq satışa çıxardılması məlum olmuşdur.

Bundan başqa ticarət şəbəkəsindən götürülmüş “Azəri-Şah” MMC-nin istehsalı olan duz nümunəsinin üzərində saxlama müddəti 1 il qeyd olunmuşdur. Halbuki yodlaşdırılmış duz üçün mövcud olan standart AZS 280-2007 üzrə məhsulun saxlanılma müddəti 9 ay nəzərdə tutulmuşdur. Həmçinin markalanmada qüvvədə olmayan normativ sənədə TŞ Az 00900003-17-2003 istinad olunaraq hazırlandığı qeyd edilmişdir.

Müəssidə araşdırma davam etdirilir.

Öncəki

123

Sonraki

AZƏRFOTO

Ana səhifəyə dön