Standartlaşdırma, Metrologiya və Sertifikatlaşdırma üzrə Dövlətlərarası Şuranın keçirdiyi müsabiqədə bu il Azərbaycanın 4 istehsal müəssisəsi iştirak edir. Müsabiqə məhsul və xidmətlərin keyfiyyəti sahəsində qazanılan nailiyyətlərə görə keçirilir.
Bununla bağlı olaraq, ekspertlər Azərbaycanda səfərdədirlər. Onlar Belarusiya, Ukrayna, Qazaxıstan və Tacikistanı təmsil edirlər. Səfər çərçivəsində mütəxəssislər Standartlaşdırma, Metrologiya və Patent üzrə Dövlət Komitəsində görüşlər keçirmişlər.
Prosedura əsasən adıçəkilən ölkələrin müsabiqəyə təqdim olunan müəssisələrində Azərbaycanlı ekspertlər artıq olmuş, öz rəy və təkliflərini Şuraya göndərmişlər.
Münsiflər heyətinin yekun qərarı Dövlətlərarası Şuranın iclasında bu ilin sonunda açıqlanacaq.
AZƏRFOTO
Ana səhifəyə dön
Ana səhifə
Xidmətlər
