Haqqımızda   Xidmətlər   Təlimlər   Pressklub   Müsabiqələr  

XƏBƏR RUBRİKALARI

NAİLİYYƏT

Netty 2007 Winner

XOCALI FACİƏSİ XYUSTONDA ANLIDI
25 fevral 2013 | Çap üçün versiya | Dosta yolla |
Xyuston şəhərində Azərbaycanlıların Amerika Mədəni Alyansı (AAMA) tərəfindən Xocalı faciəsinin 21-ci ildönümünə həsr olunmuş tədbir təşkil olunmuşdur.

Tədbirdə Texas ştatı Nümayəndələr Palatasının üzvü Cin Vu (Gene Wu), Türkiyə Respublikası Baş Konsulluğunun vitse-konsulu Kenan Ağa, Azərbaycan Respublikasının ABŞ-dakı Səfirliyinin müşaviri Məmməd Talıbov və Xyuston şəhərində yaşayan Azərbaycan və türk icmalarının nümayəndələri iştirak etmişdir.

AAMA-nın prezidenti İsmayıl Əhmədov tədbiri açaraq iştirakçılara Ermənistanın Azərbaycana qarşı təcavüzü və Xocalı faciəsinə dair geniş məlumat verdi, həmçinin rəhbərlik etdiyi təşkilatın fəaliyyətindən, o cümlədən Azərbaycan dili dərslərinin təşkil olunmasından danışdı.

Bundan sonra Texas Ştatı Nümayəndələr Palatasının üzvü C.Vu çıxış edərək Xocalı qətliamı barədə öyrəndikdə kədərləndiyini və bu kimi faciələrin yenidən təkrarlanmasına yol verilməməsi üçün onları xatırlamağın vacib olduğunu dedi. C.Vu Texas ştatı Nümayəndələr Palatasının Xocalı qətliamının 21-ci ildönümünün anılması haqqında qətnaməsini Azərbaycan Səfirliyinin nümayəndəsinə təqdim etdi. Həmin qətnamədə bu faciənin bir çox insan hüquqları təşkilatları tərəfindən pislənildiyi, habelə bir sıra xarici dövlət və ABŞ-ın digər ştatlarının bu faciyəyə diqqət yetirdiyi qeyd olunaraq, bu xüsusda 2011-ci ildə Texas Nümayəndələr Palatasının 535 nömrəli qətnaməsi vurğulanır.

M.Talıbov öz növbəsində C.Vuya Azərbaycan xalqı tarixinin bu ağrı dolu səhifəsinə diqqət yetirilməsi üçün təşəkkürünü bildirərək son illər ərzində bir sıra dövlət və ABŞ ştatları tərəfindən Xocalı qətliamının tanınmasının ədalətin bərqərar olacağına və Xocalı vəhşiliklərini törədənlərin məsuliyyətə cəlb olunmasına ümid etməyə imkan verdiyini qeyd etdi.
ABŞ Azərbaycanlıları Şəbəkəsinin (USAN) həmtəsisçisi və fəal üzvlərindən olan Yusif Babanlı çıxışında C.Vuya ABŞ-dakı Azərbaycan icması adından təşəkkür etdi və Xocalı dəhşətlərinin dünyada, o cümlədən ABŞ-da tanıdılmasının vacibliyini qeyd etdi.

Tədbir zamanı həmçinin ABŞ-dakı Azərbaycan icmasının digər nümayəndələri də çıxışlar etdi.

AZƏRFOTO

Ana səhifəyə dön






AXTAR VƏ TAP

 

© 2005 – 2017
Müəllif hüquqları AZƏRFOTO tərəfindən qorunur.
Developed by: OXUS